ఉరవకొండ :69వ ఆంధ్ర రాష్ట్ర సెపక్ తక్రా పోటీలు అనంతపురం జిల్లాలో నేడు ఘనంగా ప్రారంభమయ్యాయి. జిల్లా పరిషత్ ఉన్నత పాఠశాల (సెంట్రల్ హైస్కూల్) క్రీడా ప్రాంగణం ఈ టోర్నమెంట్కు ఆతిథ్యం ఇస్తోంది. స్కూల్ గేమ్స్ ఫెడరేషన్, అనంతపురం జిల్లా ఆధ్వర్యంలో ఈ పోటీలు జరుగుతున్నాయిముఖ్య అతిథుల హాజరు
ప్రారంభోత్సవ కార్యక్రమానికి ముఖ్య అతిథులుగా ఆల్ ఇండియా సెపక్ తక్రా ఫెడరేషన్ ఉపాధ్యక్షులు జి. శ్రీనివాసులు హాజరయ్యారు. అలాగే, ఆంధ్రప్రదేశ్ స్కూల్ గేమ్స్ ఫెడరేషన్ పరిశీలకులు (కృష్ణా జిల్లా) రమేష్, మరో అతిథి విశాల్ (కృష్ణా జిల్లా) కూడా పాల్గొన్నారు. జ్యోతి ప్రజ్వలన, జాతీయ పతాక ఆవిష్కరణ అనంతరం క్రీడాకారుల గౌరవ వందనాన్ని అతిథులు స్వీకరించారు. ఈ సందర్భంగా క్రీడాకారులను ఉద్దేశించి అతిథులు ప్రసంగించారు.
ఈ టోర్నమెంట్లో రాష్ట్రంలోని 13 జిల్లాల నుంచి వచ్చిన బాలబాలికలు 220 మంది పాల్గొన్నారు. పోటీల నిర్వహణ కోసం వివిధ జిల్లాల నుంచి 24 మంది మేనేజర్లు, కోచ్లు హాజరయ్యారు. అనంతపురం జిల్లా డీఈఓ ఆదేశాల మేరకు 30 మంది వ్యాయామ ఉపాధ్యాయులు డ్యూటీలో పాలుపంచుకుంటున్నారు.
ఈ వివరాలను కార్య నిర్వాహకులు శ్రీ మారుతి ప్రసాద్ మరియు పుల్లా రాఘవేంద్ర తెలియజేశారు.
 |
| రాష్ట్రం నలుమూలల నుంచి క్రీడాకారులు |