బాలికపై లైంగిక దాడి.. అనంతపురం యువకుడు అరెస్ట్

 ధర్మస్థల పరిధిలో ఘటన.. పోక్సో కేసు నమోదు

దక్షిణ కన్నడ : బాలికపై లైంగిక దాడికి పాల్పడ్డాడన్న ఆరోపణలపై అనంతపురానికి చెందిన 21 ఏళ్ల యువకుడిని దక్షిణ కన్నడ జిల్లా పోలీసులు అరెస్ట్ చేశారు. నిందితుడిని శ్రీకాంత్‌గా పోలీసులు గుర్తించినట్లు సమాచారం.

పోలీసుల వివరాల ప్రకారం.. ధర్మస్థల పోలీస్ స్టేషన్ పరిధిలో 2025 సెప్టెంబర్ నుంచి నవంబర్ మధ్య బాలికపై పలుమార్లు లైంగిక దాడి జరిగినట్లు ఆరోపణలు ఉన్నాయి. ఈ ఘటనలో బాలిక గర్భం దాల్చి ఇటీవల ప్రసవించినట్లు పోలీసులు తెలిపారు.

ఈ వ్యవహారంపై బాలిక కుటుంబ సభ్యులు ఆగస్టు 23న పోలీసులకు ఫిర్యాదు చేశారు. ఫిర్యాదు ఆధారంగా పోలీసులు నిందితుడిపై పోక్సో చట్టం కింద కేసు నమోదు చేసి దర్యాప్తు ప్రారంభించారు.

దర్యాప్తులో భాగంగా నిందితుడిని పోలీసులు అరెస్ట్ చేశారు. అనంతరం మంగళూరు కోర్టులో శనివారం హాజరుపరిచారు. కేసుకు సంబంధించిన తదుపరి దర్యాప్తు కొనసాగుతున్నట్లు పోలీసులు తెలిపారు.

బాలిక మైనర్ కావడంతో ఆమెకు సంబంధించిన వ్యక్తిగత వివరాలను పోలీసులు, అధికారులు వెల్లడించలేదు. కేసులో ఇతర అంశాలపై కూడా దర్యాప్తు కొనసాగుతున్నట్లు సమాచారం.