ఉయ్యూరులో రోడ్లు, డ్రైనేజీ పనులకు శంకుస్థాపన.. అభివృద్ధికి ప్రాధాన్యం

అభివృద్ధే కూటమి ప్రభుత్వ లక్ష్యం: మాజీ ఎమ్మెల్సీ వై.వీ.బీ. రాజేంద్రప్రసాద్, ఎమ్మెల్యే బోడె ప్రసాద్

ఉయ్యూరు, ఆగస్టు 29: ఉయ్యూరు పట్టణంలో మౌలిక వసతుల అభివృద్ధికి కూటమి ప్రభుత్వం ప్రాధాన్యం ఇస్తోందని మాజీ ఎమ్మెల్సీ వై.వీ.బీ. రాజేంద్రప్రసాద్, పెనమలూరు ఎమ్మెల్యే బోడె ప్రసాద్ తెలిపారు.

ఉయ్యూరు పట్టణంలోని 2, 3, 4, 5, 11వ వార్డుల్లో రోడ్లు, డ్రైనేజీ అభివృద్ధి పనులకు మాజీ ఎమ్మెల్సీ వై.వీ.బీ. రాజేంద్రప్రసాద్, ఎమ్మెల్యే బోడె ప్రసాద్ కలిసి శంకుస్థాపన చేశారు. ఈ సందర్భంగా స్థానిక నాయకులు, అధికారులు పాల్గొన్నారు.

మాజీ ఎమ్మెల్సీ వై.వీ.బీ. రాజేంద్రప్రసాద్ మాట్లాడుతూ.. ముఖ్యమంత్రి నారా చంద్రబాబు నాయుడు నాయకత్వంలో రాష్ట్రం అభివృద్ధి దిశగా ముందుకు సాగుతోందన్నారు. అదే విధంగా ఉయ్యూరు పట్టణంలో ప్రజలకు అవసరమైన మౌలిక వసతుల కల్పనకు ప్రభుత్వం పెద్ద ఎత్తున నిధులు మంజూరు చేసిందని తెలిపారు.

రోడ్లు, డ్రైనేజీ వ్యవస్థను మెరుగుపరచడం ద్వారా పట్టణ ప్రజలకు మెరుగైన సౌకర్యాలు అందుబాటులోకి వస్తాయని పేర్కొన్నారు. అభివృద్ధి పనులను నాణ్యతా ప్రమాణాలతో పూర్తి చేయాల్సిన అవసరం ఉందన్నారు.

పెనమలూరు ఎమ్మెల్యే బోడె ప్రసాద్ మాట్లాడుతూ.. ఉయ్యూరు పట్టణాన్ని అన్ని విధాలుగా అభివృద్ధి చేయడమే తన లక్ష్యమని తెలిపారు. ప్రజలకు అవసరమైన మౌలిక సదుపాయాలను కల్పించేందుకు కృషి చేస్తానని చెప్పారు.

ఈ కార్యక్రమంలో మాజీ మున్సిపల్ చైర్మన్ వల్లభనేని నాని, జంపాన పూర్ణచంద్రరావు, అబ్దుల్ కుద్దూస్, పట్టణ టీడీపీ అధ్యక్షుడు జంపాన గుర్నాథరావు, కోనపరెడ్డి వాసు, తెలుగుదేశం పార్టీ నాయకులు, కార్యకర్తలు, అధికారులు తదితరులు పాల్గొన్నారు.