విశాఖలో తీవ్ర విషాదం: ఒకే కుటుంబానికి చెందిన నలుగురి ఆత్మహత్య

విశాఖపట్నం: విశాఖపట్నం జిల్లాలో శనివారం తీవ్ర విషాదం చోటు చేసుకుంది. పెందుర్తి మండలం చింతల అగ్రహారంలో ఒకే కుటుంబానికి చెందిన నలుగురు ఆత్మహత్యకు పాల్పడటం స్థానికంగా తీవ్ర కలకలం రేపింది.

మృతులను మల్లా ప్రవీణ్ కుమార్, అతని భార్య మరియు ఇద్దరు పిల్లలుగా స్థానికులు గుర్తించారు. వీరంతా ఒకేసారి బలవన్మరణానికి పాల్పడటానికి గల కారణాలు ఇంకా తెలియాల్సి ఉంది.

సమాచారం అందుకున్న పెందుర్తి పోలీసులు వెంటనే సంఘటనా స్థలానికి చేరుకుని, మృతదేహాలను పరిశీలించారు. ఈ ఘటనపై కేసు నమోదు చేసుకుని దర్యాప్తు ప్రారంభించారు.

కాగా, ఇటీవల శ్రీశైలంలో కూడా ఒకే కుటుంబం ఉరేసుకుని ఆత్మహత్య చేసుకున్న ఘటన మరువకముందే ఏపీలో మరో కుటుంబం ఇలా అర్ధాంతరంగా తనువు చాలించడం తీవ్ర ఆవేదనకు గురిచేస్తోంది.