“కేటీఆర్ సారూ.. ఆదుకోండి.. డాక్టర్ అవుతా!”
ఎంబీబీఎస్ సీటు సాధించిన పేదింటి విద్యార్థిని.. ఫీజు కోసం కుటుంబం సాయం విజ్ఞప్తి
వరంగల్ జిల్లా: పేదరికాన్ని ఎదుర్కొంటూనే చదువులో ముందుకు సాగిన వరంగల్ జిల్లా వర్ధన్నపేటకు చెందిన కొండేటి అఖీరా ఎంబీబీఎస్ సీటు సాధించినట్లు కుటుంబ సభ్యులు తెలిపారు. అయితే వైద్య విద్య కొనసాగించేందుకు అవసరమైన ఫీజు చెల్లించడం తమకు ఆర్థికంగా భారంగా మారిందని పేర్కొన్నారు.
డాక్టర్ కావాలనే లక్ష్యంతో చదువుతున్న అఖీరా.. ఎన్నో ఇబ్బందులను అధిగమించి ఎంబీబీఎస్ సీటు సాధించిందని కుటుంబ సభ్యులు తెలిపారు. ప్రస్తుతం ఫీజు చెల్లించాల్సిన పరిస్థితి రావడంతో ఆమె వైద్య విద్య కొనసాగింపుపై ఆందోళన నెలకొందని చెప్పారు.
సుమారు రూ.2 లక్షల ఆర్థిక సహాయం అందితే అఖీరా చదువు కొనసాగించగలదని కుటుంబ సభ్యులు విజ్ఞప్తి చేస్తున్నారు. ఫీజు చెల్లించేందుకు 2026 సెప్టెంబర్ 19 చివరి తేదీగా ఉందని తెలిపారు.
ఈ నేపథ్యంలో బీఆర్‌ఎస్ వర్కింగ్ ప్రెసిడెంట్ కేటీఆర్‌ను సంప్రదించి తమ కుమార్తె వైద్య విద్యకు సహాయం చేయాలని కుటుంబం కోరుతోంది.
“చదువుకునే సత్తా ఉంది.. డాక్టర్ కావాలనే కల ఉంది. కానీ ఫీజు చెల్లించే ఆర్థిక స్థోమత లేదు. మా కుమార్తె చదువు ఆగిపోకుండా సహాయం చేయాలి” అని కుటుంబ సభ్యులు విజ్ఞప్తి చేస్తున్నారు.