అనంతపురం జిల్లాలోని ప్రముఖ పుణ్యక్షేత్రమైన పెన్నహోబిలం శ్రీ లక్ష్మీ నరసింహ స్వామి వారి వార్షిక బ్రహ్మోత్సవాలు కనులపండువగా సాగుతున్నాయి. ఉత్సవాల్లో భాగంగా ఈరోజు స్వామివారు *సింహవాహనంపై* భక్తులకు దర్శనమిచ్చారు. శౌర్యం, ధైర్యం మరియు ధర్మరక్షణకు ప్రతీకగా భావించే సింహవాహనంపై స్వామివారు అలంకారభూషితుడై మాడవీధుల్లో విహరించారు.
ముఖ్య విశేషాలు:
భక్తి పారవశ్యం:ఆలయ పరిసరాలు "గోవిందా.. గోవిందా" అనే నామస్మరణతో మారుమోగాయి. భక్తులు భారీ సంఖ్యలో తరలివచ్చి స్వామివారిని దర్శించుకుని మొక్కులు తీర్చుకున్నారు.
*ఉభయదారులు:* ఈ వాహన సేవను కీ.శే. అమిలినేని వెంకటప్ప గారి కుమారులు సురేంద్ర & బ్రదర్స్ కుటుంబ సభ్యులు భక్తిశ్రద్ధలతో నిర్వహించారు.
*పాల్గొన్న ప్రముఖులు:* ఈ కార్యక్రమంలో దేవస్థాన కార్యనిర్వహణాధికారి *యస్. రమేష్ బాబు* ధర్మకర్తల మండలి సభ్యులు, అర్చక బృందం, ఆలయ సిబ్బంది మరియు భారీ బందోబస్తు నడుమ పోలీసు సిబ్బంది పాల్గొన్నారు.
బ్రహ్మోత్సవాల నేపథ్యంలో పెన్నహోబిలం క్షేత్రం భక్తుల రాకతో ఆధ్యాత్మిక శోభను సంతరించుకుంది. సాయంత్రం శ్రీవారు *చంద్ర ప్రభాహనంపై* వాహనంపై ఊరేగుతూ భక్తులకు దర్శనమిచ్చారు. ఉత్సవమూర్తులను వైభవంగా అలంకరించి దేవస్థానంలో పూజలు జరిపి పల్లకిలో ప్రతిష్టించారు అనంతరం స్వామి వారు మాడవీధుల్లో ఊరేగుతూ భక్తులకు దర్శనమిచ్చారు.