ఉరవకొండ, జూన్ 4:
ప్రపంచ పర్యావరణ దినోత్సవాన్ని పురస్కరించుకుని ఉరవకొండలో ఉచిత నిమ్మ మొక్కల పంపిణీ కార్యక్రమాన్ని చేపట్టనున్నారు. జై కిసాన్ ఫౌండేషన్ ఆధ్వర్యంలో, శాంతి ప్రకృతి ఫౌండేషన్ సహకారంతో స్థానిక జై కిసాన్ ఫౌండేషన్ కార్యాలయంలో ఈ కార్యక్రమం నిర్వహించబడుతుంది. పర్యావరణ పరిరక్షణలో భాగంగా రైతులు, ప్రజలు పెద్ద సంఖ్యలో పాల్గొని ఈ అవకాశాన్ని సద్వినియోగం చేసుకోవాలని నిర్వాహకులు కోరారు.
సేవా కార్యక్రమాలతో జన్మదిన వేడుకలు:
ఈ పర్యావరణ మహోత్సవంతో పాటు జై కిసాన్ ఫౌండేషన్ చైర్పర్సన్ శ్రీమతి రజని కుమారి జన్మదినోత్సవాన్ని కూడా ఘనంగా నిర్వహించనున్నారు. ఈ సందర్భంగా ఫౌండేషన్ ప్రతినిధులు ఆమెకు హృదయపూర్వక జన్మదిన శుభాకాంక్షలు తెలియజేశారు. శ్రీమతి రజని కుమారి ఆయురారోగ్యాలతో, సుఖసంతోషాలతో వర్ధిల్లుతూ.. సమాజ సేవలో మరిన్ని ఉన్నత శిఖరాలను అధిరోహించాలని వారు ఆకాంక్షించారు.
"ఒక్క రైతు – ఒక మొక్క" పిలుపు:
ఈ సందర్భంగా ఫౌండేషన్ ప్రతినిధులు మాట్లాడుతూ.. “ఒక్క రైతు – ఒక మొక్క, పచ్చని గ్రామం – మన లక్ష్యం” అనే నినాదంతో ప్రతి ఒక్కరూ ముందుకు సాగాలని పిలుపునిచ్చారు. ప్రతి రైతు, ప్రతి కుటుంబం కనీసం ఒక మొక్కను నాటి, దానిని సంరక్షిస్తూ పర్యావరణ పరిరక్షణలో భాగస్వాములు కావాలని కోరారు.
— నాగమల్లి ఓబులేష్, జై కిసాన్ ఫౌండేషన్,